Zjarri që ra pasiten e sotme në kodrat e fshatit Ibë vijon akoma edhe në orët e vona të mbrëmjes. Banorët janë në panik për shkak se zjarri rrezikon të presë edhe linjat e tensionit të lartë.
“Nga zjarri masiv na ndan vetëm lumi në Ibë. Për shkak terrenit, ndërhyrja nga toka është e vështirë. Ndërhyrja me helikopter u ndërpre për shkak të errësirës”, thonë banorët.
Ndërkohë ndërhyrja me helikopter është ndërprerë për shkak të errësirës, mirëpo edhe ndërhyrja nga toka paraqitet e vështirë për shkak të terrenit.
Kurora të tëra me pyje janë shkruambuar nga zjarri i sotëm, i cili vazhdon të përhapet, pavarësisht punës së zjarrfikësve. Kujtojmë se në Ibë ishte sot edhe ministri i Brendshëm Dritan Demiraj, i vili ka monitoruar masat e strukturave të Emergjecave Civile gjatë ndërhyrjes për izolimin dhe shuarjen e zjarrit.
“Te nderuar miq!
Temperaturat e larta që janë shënuar gjatë ditëve të fundit në vendin tonë, kanë shtuar dukshëm mundësinë e përhapjes së zjarreve nëpër pyje përfshirë edhe pyjet në Parqet Kombëtare. Ngjarja e pasdites ne kodrat e Ibes ne Tirane ishte shume e rrezikshme per banoret dhe shtepite e tyre. Situata eshte nen kontroll dhe po punohet per fikjen e plote te vatrave te zjarrit.
Ministria e Brendshme, emergjencat civile, sherbimet zjarrfikese, forcat e armatosura, Viva Copter, pushteti lokal, etj po punojne me intensitet.
Me këtë rast apelojmë të gjithë qytetaret të kenë kujdes maksimal në parandalimin dhe sinjalizimin e zjarreve qe cenojne sigurine Kombetare.
Piromanet do te ndiqen rreptesisht dhe denimet do te jene te ashpra, sipas ligjit.
I bej thirrje dhe banoreve qe te kontribojne gjithashtu ne lajmerimin, kontributin dhe vendosjen e zjarreve nen kontroll.”, shkroi sot Demiraj pas monitorimit. (D.D/Shuplaka)
