Viktima e atentatit në Vlorë me precedentë penalë, cili ishte emri i tij i mëparshëm

Viktima e atentatit të sotëm në Vlorë, i identifikuar nga policia si Refit Toro, rezulton me precedentë të mëparshëm penalë.

32- vjeçari e kishte ndërruar emrin nga Jetnor në Refit Toro dhe nga verifikimet rezulton se ai njihej si person me precedentë të theksuar kriminalë.

Për këtë arsye hetimet e policisë janë shtrirë pikërisht në ndonjë konflikt të mundshëm që lidhet me të kaluarën e tij kriminale.

Toro u vra ndërsa lëvizte me makinën e tij “Mitsubishi” me targë AA 606 LD në zonën e Skelës.

Ai u dërgua me urgjencë drejt spitalit, por nuk mundi t’i mbijetojë plagëve të marra dhe ndërroi jetë.

Autori dyshohet se ka qëlluar nga një tjetër automjet dhe më pas është larguar me shpejtësi.

Policia ka ngritur pika kontrolli në rrugët dalëse dhe hyrëse të qytetit të Vlorës, por deri tani nuk është kapur asnjë prej atentatorëve. (A.R/SHUPLAKA)