‘Viktima’ e parë e Botërorit, trajneri i Egjiptit do të shkarkohet pas Rusi 2018 

Hector Cuper, trajneri aktual i Egjiptit do të largohet nga Kombëtarja afrikane pas përfundimit të Kampionatit Botëror.

Lajmin e kanë bërë të ditur gazetarët egjiptianë të akredituar në Rusi.

Federata Egjiptiane e Futbollit ka vendosur të mos e rinovojë bashkëpunimin me teknikun argjentinas, pas zhgënjimit në “Rusi 2018”, ku humbjet ndaj Uruguait dhe Rusisë kanë sjellë eliminimin, pavarësisht nga rezultati i ndeshjes së fundit kundër Arabisë Saudite.

Pikërisht ndeshja ndaj arabëve do të jetë e fundit për Cuper si “timonier” i Salah dhe shokëve të tij.

(E.K/FAXWEB.AL)