Viktima e radhës nga i ftohti në Durrës, e moshuara gjendet pas tri ditësh

Një tjetër viktimë nga i ftohti është shënuar në qytetin e Durrësit.

Shërbimi i zjarrfikëses ka gjetur të pajetë në banesën e saj një 67-vjeçare, e cila dyshohet të ketë ndërruar jetë për shkak të të ftohtit të acartë.

Bardhë e blutë dyshojnë se e moshuara ka vdekur që para tre ditësh pasi i biri e kishte telefonuar dhe kjo nuk i ishte përgjigjur. Megjithatë kjo mbetet për t’u konfirmuara nga ekspertiza mjeko-ligjore.

I shqetësuar, djali kishte telefonuar zjarrfikësit të cilët kanë hyrë sot nga dritarja dhe e kanë gjetur të moshuarën të pajetë.

Sakaq policia ndodhet në vendngjarje dhe po heton për zbardhjen e ngjarjes.

Mendohet se 67-vjeçarja ka pësuar një atak kardiak nga i ftohti, pasi në banesë nuk u gjet asnjë ngrohëse. (D.D/Shuplaka)