Një grua 33 vjec, Romina Xhakoni Myftiu ka ndërruar jetë në Durrës pasi ishte shfaqur në spital me shenja gripi. Mësohet se viktima ishte nënë e një vajze 8-vjeçare dhe me datë 8 janar pasi kishte marrë mjekimin e parë në spitalin e këtij qyteti është dërguar për në shtëpi dhe është këshilluar të kthehej të nesërmen për kontroll të specializuar. Mëngjesin e djeshëm 33-vjeçarja ka mbërritur në spital në gjendje të rëndë ku ka dhënë dhe shpirt.
Ndërkohë vdekja e 33-vjeçares është rasti i tretë në Shqipëri brenda 24 orëve.
Dy ditë më parë humbi jetën oficeri i policisë Mariglen Mestani, 27 vjeç nga meningjiti, ndërsa në mënyrë ‘të mistershme’ kanë humbur jetën në spital dhe 2 persona të tjerë, në moshë të re, të cilët ishin paraqitur me simptomat e gripit.
Ndërsa mjekët këshillojnë që tu drejtoheni qendrave shëndetëosre në rast të temperaturave të larta dhe të mos neglizhohen simptomat e gripit, Silva Bino, specialiste pranë ISHP-së u shpreh se nuk kemi të bëjmë me epidemi, aq më tepër të meningjitit.
“Është evidentuar një rast fatkeq me meningjit, moshë e re dhe i seksit mashkull dhe pavarësisht ndihmës së mjekëve nuk ia doli dot. Duhet thënë se personat e kontaktit me viktimën janë trajtuar me antibiotikët e duhur për të shmangur infektimin. Një tjetër rast vdekje ësbhtë analizuar dhe nuk rezulton të jetë ëpr shkak të komplikacioneve të gripit. Ndërsa rasti i 33-vjeçares nga Durrësi po analizohet pasi janë marrë mostrat e gjakut‘, u shpreh Bino e cila theksoi se këto janë raste normale dhe të evidentueshme në vende të tjera.
Gjithashtu Bino ka apeluar dhe njëherë se ndodhemi në pikun e sezonit të gripit dhe se nuk duhen neglizhuar simptomat e gripit.
Gjithashtu Bino tha se asnjë rast i rëndë me penumoni gripale nuk po trajtohet në Sanatorium.
Discussion about this post