Në 6 vjetorin e ngjarjes së rëndë të “21 Janarit”, rrëfehet një nga familjarët e viktimave.
Bëhet fjalë për djalin e Faik Myrtajt, Renato, i cili në një lidhje të drejtpërdrejtë me emisionin “Kjo javë” pranoi publikisht se ka marrë disa herë kërcënime.
“Këto ditë më ka ndodhur në një kafe në Fier. Provokime nga më të ndryshmet dhe këto nuk do të më bëjnë kurrë të largohem nga Shqipëria. Ishte një person që dikur ka qenë shumë i afërt me Berishën.”, tha Myrtaj.
“Nuk më bëjnë fare përshtypje, po ka patur kërcënime. Do e diskutojmë një herë tjetër”, tha Renato Myrtaj.”, shtoi më pas ai.
Sakaq, ai tha se e ka çuar çështjen në Strazburg, pasi kërkon të vihet në vend drejtësia.
Myrtaj kërcënoi se ish-kryeministri Sali Berisha ka për ‘të paguar’ jo vetëm ’21 janarin’ por edhe për shumë dëme që i ka bërë Shqipërisë.
I riu u shpreh se dëmshpërblimi nuk e kënaq aspak, sepse dhimbja e tij është shumë e madhe.
“Do e quaja dhimbje të trefishtë sepse pas vdekjes së vëllait edhe nënën nuk e kam mirë, edhe tani ajo vazhdon nuk ndjehet mirë. Gjykata administrative më ka dhënë një dëmshpërblim. Unë nuk jam i kënaqur me dëmshpërblimin që më kanë dhënë, madje krejt buxhetin e shtetit të ma ofrojnë gjykatat shqiptare, unë nuk kënaqem, por më ka dhënë një ndihmë të vogël.
Sepse me këto para mund të mundohem ta dërgoj çështjen edhe më lart në gjykatën e strasburgut. Ka qënë shumë e vështirë për mua që të mbledh gjithë ato para për ta dërguar çëshjten në gjykatën e strasburgut dhe kjo ndihmë erdhi nga miq të mi që më kanë mbështetur në këto 6 vite.”, tha Myrtaj.
Myrtaj foli edhe për takimin me kryeministrin Rama, për të cilin u shpreh i kënaqur për punën që ai ka bërë deri më tani, sidomos për reformën në drejtësi. Vijon… (D.D/Shuplaka)
