Real Madrid do të ketë në dispozicion për derbin e së dielës ndaj Atleticos dy lojtarët, Jude Bellingham dhe Vinicius Jr.
Anglezi është rikthyer në stërvitje me skuadrën pasi kishte një problem në stomak, ndërsa braziliani është 100% i gatshëm për të luajtur pas dëmtimit.
Bellngham mungoi stërvitjen e djeshme me ekipin pasi nuk ndihej mirë, ndërsa sot gjithçka ka qenë në rregull. Ai ishte deçiziv ndeshjen e së mërkurës në Champions, kur i dha fitoren Realit në minutën e 94′, kundër Union Berlin.
Ndërsa për Vinicius ishte trajneri Ancelotti që konfirmoi në konferencën për shtyp se: “Vini është 100% në formë”.
Deri më tani Reali i ka fituar të gjitha ndeshjet kur në fushë ka qenë Jude Bellingham. Mesfushori me golat e tij po bën të harrohet mungesa e Benzemas.
Discussion about this post