Ka përfunduar panairi i 22-të “Tirana 2019”, i cili ka qenë i hapur për qytetarët nga data 13 e këtij muaji. Një numër i madh i qytetarëve nga të gjitha trevat shqipfolëse vendosën të vizitojnë këtë panair, ku u zhvilluan 100 aktivitete me rreth 200 shkrimtarë pjesëmarrës. Për të folur për risitë, por edhe për mungesat e panairit, të ftuar në emisionin “Aktualitet” në FaxNews të gazetarit Bejdo Malo ishin Dorina Hoxha- publiciste dhe Hasie Hoti.
Hoxha tha se ka vënë re mungesë emra autorësh dhe librash që mund të sjellin diçka ndryshe tek lexuesi. Hoxha u ndal edhe tek tekstet e librave që kanë hasur një debat të madh.
Ndërsa Hoti foli për mungesën e librave didaktikë, librave për edukatorë, por edhe librave për fëmijët me aftësi ndryshe. Gjithashtu, Hoti tha se sot kopshteve po i jepet një rëndësi e madhe dhe se prindërit kërkojnë për fëmijët e tyre më shumë libra.
Dorina Hoxha: Kam vënë re se ka mungesë emrash dhe librash që mund të sjellin diçka ndryshe tek lexuesi. I kam rënë dy herë rreth e rrotull panairit për një libër të një autoreje franceze dhe më thanë se mund të gjeja një kopje të këtij libri në Bibliotekën Kombëtare. Kemi tituj të përgjithshëm që nuk të mësojnë asgjë. Përshembull duhet më shumë libra për autizmin.
Tekstet shkollore has një debat të madh. Nuk janë të përshtatshme për moshat e tyre. Libri duhet të jepet si kulturë nga prindrit, jo nga panairi që zhvillohet një herë në vit. Vura re, këtë vit se shumë fëmijë dhe të rinjë vinin vërdallë blinin një libër duke parë vetëm çmimet por pa parë përmbatjen.
Hasie Hoti: Tek panairi vura re se kishte mungë të librave didaktikë. Gjithashtu, ka mungesë të librave për edukatorë. Mungojnë edhe libra për fëmijët e aftësi ndryshe. Fatkeqësisht, numri i fëmijëve me aftësi ndryshe, po rritet.
Kopshteve po i jepej një rëndësi të madhe, prindrit kërkojnë që të ketë më shumë libra. Kërkojnë libra edhe për në shtëpi.
Discussion about this post