Autori i librit “Skënderbeu, kryqtari i fundit”, Virgjil Kule tha në emisionin ” Arena” të Dritan Hilës se osmanët bënin konkurse për të marrë fëmijë të ndryshëm nga qytetet që pushtonin, për t’i çuar më pas me studime.
“Osmanët bënin një konkurs të madh, me psikologë, mjekë, ushtarë etj., në qytete të ndryshme të cilat kishin pushtuar. Aty zgjidheshin fëmijët të cilët do të çoheshin për studime. Ky ishte një stimul shumë i mirë. Një pjesë tjetër i merrnin fëmijët dhe i çonin në kazerma. Natyrisht që i biri i Gjonit, nuk iku në asnjë prej këtyre dy formave. Përkundrazi ai iku me karrocë, pasi ishte i biri i një fisniku. Skënderbeu ishte një mjeshtër i vërtetë për të ndërtuar plane, e këtë aftësi e ka pasur që në fillim. Ai ishte edhe në pjesën administrative, po ashtu edhe në atë ushtarake.”, tha Kule.
Kule u shpreh se administrata sulltanore ishte ndërtuar me skllevër dhe se sulltani kishte të drejtë të dënonte edhe vezirin e madh. Ai tha gjithashtu se Skënderbeu ishte konspiracionist i madh dhe kishte njerëz të besuar.
“Administrata sulltanore e asaj periudhe ishte ndërtuar me skllevër të sulltanit, sipas tij sulltani kishte të drejtë ta dënonte me vdekje edhe sulltanin e madh”, tha Virgjil Kule. (B.H/Faxweb)
