Gjykata e Durrësit ka dhënë masën e arrestit me burg për dy të arrestuarit Altin Ndoci, dhe një 22 vjeçar, të cilët dyshohen si autor të katër vrasjeve në qytetin e Durrësit., përfshirë dhe atentatin e apak ditëve më parë ndaj vëllezërve Haxhia.
Dy të dyshuarit u shoqëruan në ambientet e jashtme të Gjykatës nga një numër shumë i madh i forcave të sigurisë. Dy personat dolën një e nga një për t’u njohur me masën e sigurisë, në mënyrë që të shmangej një përballje mes tyre, pasi 22-vjeçari është bërë i penduar i drejtësisë.
Avokati i Ndocit, Saimir Visha tha se nuk ka asnjë provë që implikon klientin e tij në vrasje, dhe tha se ai nuk e ka pranuar akuzën të cilën i është bërë nga ana e prokurorisë.
