Elia Zaharia është princesha e kurorëzuar e këtij viti. Në një dasëm madhështore të mbajtur në Pallatin e Kongreseve ajo kurorëzoi në tetorin e këtij viti me princin Leka një dashuri disa vjeçare. Më tëj ajo për tre netë do të prezantonte festivalin Kënga Magjike së bashku me Ardit Gjebrenë. Këto e të tjera zhvillime pozitive të këtij viti e kanë bërë Elian ta quajë këtë vit të paharrueshëm. E në mbyllje të këtij viti Elia padyshim që ka disa fjalë për të thënë.
”Filloi me një dashuri të madhe profesionale në shfaqen “Tri Motrat”, ku roli i Irinës më dha një tjetër dimension si aktore. Më pas udhëtova drejt qytetit të zemrës, Parisit tim të shtrenjtë. U cmalla disi me miqtë e mi, me rrugët e atij qyteti, urat e mrekullueshme, muzetë dhe ajrin e tij…Në kthim filluan menjëherë përgatitjet për ditën më të rëndësishme, kurorëzimin e dashurisë sonë. Të gjithë ato muaj intensiv, të ngarkuar me përgjegjësi, emocion, ide, krijim, takime dhe raporte njerëzore nga më të vecantët, do të mbeten një rrugëtim i paharruar! Dhe dita më e vecantë për ne erdhi me diell, me miq të shumtë, me shije tradite dhe kulture shqiptare, erdhi ashtu sic e kishim ëndërruar…Më pas, si një surprizë e bukur, erdhi xhirimi i filmit “Yjet e së ardhmes”. Mezi pres ta shoh në kinematë e qytetit.
Dhe një tjetër dhuratë e dashur ishte “Kënga Magjike”! Tre net të mbushura me emocion, nostalgji për skenën e madhe dhe muzikën…
Ky vit që po lëmë pas do të mbetet Viti i Paharruar! Dua të falenderoj të gjithë ata që më dhanë dorën dhe u bënë bashkudhëtarë, të gjithë ata që më dhanë besim dhe më bënë pjesë të rrugëtimit të tyre! Një përqafim i ngrohtë për familjen time, që është dhurata më e cmuar, më e dashur, më e vërteta në jetë! Për të gjitha këto, i përulem në falenderim Zotit! Ai është dashuria që mbajmë në zemër!”, ka shkruar Elia. (E.K/SHUPLAKA)
Discussion about this post