Drejtoresha e shkollës 9-vjeçare “1 Maji” në Tiranë Entela Lika në një intervistë për Faxneës u shpreh se këtë vit ka një reduktim të numrit të nxënësve në klasa. Për gazetaren xhoana Çallaku ajo tha se janë hapur 4 klasa të para me 25-30 nxënës.
Sakaq Lika e vuri theksin edhe te disa lehtësira, si regjistrimi online apo shpërndarja e librave para se të niste shkolla, që sipas saj ka reduktuar edhe dyndjet që krijoheshin më përpara.
Lika: Është një ndjesi e madhe, kam 32 vite në arsim dhe 9 vite në drejtim. Gjithmonë ka emocione, është një profesion që e dashuroj. Të gjithë jemi si një familje e madhe.
Është reduktuar numri i nxënësve në klasa. Janë hapur 4 klasa të para me 25-30 nxënës në klasa.
Viti i ri shkollor i gjen me një qasje jo problematike, regjistrimet janë bërë përmes e-albania. Është bërë shpërndarja para se të niste shkolla. Nuk ka më dyndje, radhë të gjata. Shkolla ka përparuar nga këto problematika.
Shkolla “1 Maji” është viti i tretë që i bën aplikimet online, ka pasur prindër që kanë pasur problematikë por janë ndihmuar.
Kemi bërë një grafik për ndarjen e teksteve shkollore, mund të ketë ndonjë mangësi të vogël, kjo për shkak të rritjes së numrit të nxënësve. Por të gjithë janë pajisur. Ka qenë një proces i mirë.
Discussion about this post