Ambasada Amerikane në Tiranë ka dhënë një njoftim të rëndësishëm për të rinjtë që janë të pajisur me viza studentore, në faqen e saj zyrtare të ‘Facebook-ut’.
Ambasada bën me dije se për të gjithë studentët të cilët janë pjesë e universiteteve në SHBA, nuk është e nevojshme që të udhëtojnë në Shqipëri gjatë pushimeve verore për të rinovuar vizën.
Njoftimi i plotë:
” Mbajtës të vizave studentore
Nuk është e nevojshme të bëni gjithë atë udhëtim për në Shqipëri gjatë pushimeve verore vetëm për të rinovuar vizën tuaj. Për sa kohë që frekuentoni rregullisht universitetin tuaj, ju mund të qëndroni në Shtetet e Bashkuara edhe nëse viza ju ka skaduar.
Gjithsesi, nëse largoheni nga Shqipëria dhe viza juaj është duke skaduar, sigurohuni që të caktoni një takim për ta rinovuar vizën. Planifikoni në kohë!”
(E.V/Faxweb.al)
Discussion about this post