Vizë për në SHBA, ambasada sapo na qetësoi: Nuk duhen shumë dokumente, por…

Ambasada e SHBA-ve në Tiranë ka dhënë sot udhëzimet për të gjithë qytetarët që dëshirojnë vizë për pushime.

Ambasada ka specifikuar një detaj që duhet të mbahet parasysh prej tyre, që për një vizë pushimesh nuk është e nevojshme që të ketë shumë dokumente.

“A e dinit se vendimet për vizë në Ambasadën e SHBA-së bazohen në intervistën tuaj dhe jo në dokumentet që keni? Ejani të përgatitur për të biseduar me ne rreth planeve tuaja të udhëtimit dhe lërini dokumentat në shtëpi!”, njofton ambasada.

“Nuk keni nevojë të sillni shumë dokumenta shtesë në intervistën tuaj. Procesi i vizave të SHBA përqëndrohet tek intervista. Për t’u përgatitur sa më mirë, shpjegoni planet tuaja të udhëtimit dhe lidhjet në vendin tuaj dhe përgjigjuni disa pyetjeve. Lexoni paraprakisht informacioni tek Travelstate.gov për vizat e vizitorëve”, shton ambasada.

(E.K/FAXWEB.AL)