Kryetari i Bashkisë së Durrësit,Vangjush Dako, replikon në distancë me deputetin e LIBRA-s, Beb Blushi duke e akuzuar këtë të fundit si një mashtrues, i cili zgjedh dhimbjen njërëzore për përfitime personale politike.
Pak orë më parë Blushi postoi një foto nga një familje e varfër e Durrësit duke u shprehur se, “Në familjen e Ndricim Zibës në Kënetën e Durrësit. Këta jane fëmijët e tij Paloma, Orgito, Klodiana, Alehandro, Fariz, Rosalinda dhe Thëllanza. Jetojnë të gjithë në një dhomë katër metra katror. Varfëria e tyre me dy prindër pa punë më skuq! Në çfarë vendi po jetojmë?”.
Por sipas Dakos, e gjithë kjo bëhet për përfitime politike pasi Blushi as skuqet dhe as zverdhet.
“FYTYRA E MASHTRIMIT PROFESIONAL
Ky është Ben Blushi. E mban veten për shkrimtar por është në fakt një mashtrues profesionist. Ka shkuar sot në një familje rome në ish Kënetën e Durrësit për të dalë në fotografi dhe e ka përdorur këtë familje, për t’u treguar se i dhimbsen të varfërit.
Se sa i dhimbsen të varfërit Ben Blushit, e di mirë jo unë, po cdo njeri që ka pasur si unë fatin e keq ta njohë nga afër.
Foton e ka titulluar “FYTYRA E DHIMBJES” dhe shkruan se u skuq nga turpi kur i pa këta fëmijë! Ben Blushi as nuk skuqet as nuk zverdhet sepse është një profesionist i mashtrimit të njerëzve me llafe te bukura. Nuk rrija dot pa e ndarë këtë foto me ju, sepse është një pamje tipike mashtrimi profesional”.
Postimi i mëparshëm i Ben Blushit:
Discussion about this post