Kreu i kishës ortodokse ruse, Kirill pak ditë më parë ishte në një vizitë në Shqipëri ku takoi krerët më të rëndësishëm të shtetit shqiptar, përfshirë kryeministrin Rama dhe presidentin Meta.
Në lidhje me këtë vizitë ish-kryeministri Berisha ka deklaruar në “360 Gradë” në Ora Neës se Kirill I përcolli një mesazh Edi ramës.
Ish-kryeministri thotë se Kirill është njeriu i dytë më i rëndësishëm në Rusi pas Vladimir Putinit.
Berisha: Edi Rama e dinte që ai e kishte vizitë politike dhe jo kishtare. Pas Putinit patriarku i Moskës është njeriu më i fuqishëm. Shenjtëria e tij Cirili është pothuajse afër Putinit nga forca. Mister ishte takimi në kryeministri. Rama mori në këtë takim ministrin e Diasporës (Zotin Majko) A thua se shenjtëria e tij ishte nga diaspora shqiptare. Kjo ishte pjesë e takimit.
Zheji: Ndoshta e ka marrë si ortodoks.
Berisha: Për ortodoks duhej të shkonte në Kishë,por në qeveri, po të mos kishte mister dhe sekret pritej me Bushatin aty.
Zheji: Po çne Majko, se Majko nuk është as i konspiracion.
Berisha: Nuk them se shkoi për të bekuar apo kunguar Edi Ramën por për ti përcjellë një mesazh. Mesazhi mbetet për tu parë.
Zheji: Ka qenë qoke?
Berisha: Qoka i takonte tek presidenti si kryetar shteti. Kryetari i Shtetit e priti me Baba Mondin e kryepeshkopin Janullatos dhe kryepeshkopin e Kishes Katolike. E priten dhe e panë të gjithë. Zotëria për të dalë në Paris me këta të tre, për tu kapardisur, kapardisej por Edi Rama e dinte se ai e kishte vizitë politike dhe jo kishtare tek Edi Rama.
Zheji: Çfarë mesazhi mund t’i çonte Ramës Putini?
Berisha: Fuqia korruptive ruse ka kufi vetëm qiellin. Mos e harroni këtë. Se çfare e tek. Por faktikisht ai u prit jo si kryeministër i një vendi pluri-religjioz, por u prit sikur Kryeministria të ishte një kishëz ortodokse. Nuk ka rastësi në protokolle. Mediat nuk u ndalën tek kjo. Ai nuk shkoi për të bekuar Edi Ramën. Ai e di se Edi Rama është i pafe. Mund të jetë bërë mysliman tani. Ky e shndërroi zyrën sikur po e priste në Kishë.
(B.H/Faxweb)
Discussion about this post