Kryeministri Rama pas takimit në Malsinë e Madhe është duke zhvilluar një takim në Shkodër në kuadër të platformës ‘Bashkia që duam’. Gjatë mbërritjes së Ramës në takim është vënë re se qyteti është vendosur në shtet-rrethim.
Gazetarja e Fax News Emi Kalaja bën me dije se forca të shumta policore dhe snajpera nga të katërta anët kanë rrethuar zonën duke mbajtur nën kontroll edhe lëvizjen më të vogël ndaj kryeministrit Rama.
Pse kjo siguri e shtuar sot në Shkodër për kryeministrin Edi Rama vallë? Çfarë mund t’i frikësohet kryeministri aq sa është vendosur nën suvejim edhe në lëvizjet e tij më të vogla.
Kujtojmë se pak minuta më parë ka ndodhur një skenë aspak e këndshme, ku policia ka arrestuar një person. Gjergj Cuni, i njohur si invalidi i protestave, pasi nuk ka munguar në asnjë nga protestat e fundit të opozitës është shoqëruar me forcë në polici pas sharjeve të vazhdueshme ndaj Edi Ramës.
Policia e ka marrë me forcë Cunin nga rruga duke e futur në automjet. Po ashtu një përplasje tjetër ka ndodhur midis kryeministrit Rama dhe studentëve të cilët e kanë pritur me parrulla dhe brohoritjet ”Turp! Turp! Turp!” duke i kujtuar këtij të fundit “Paktin për Universitetin”. Ndërsa, kryeministri u është drejtuar me fjalët “Ca ke që bërtet. Prisni vetëm 45 ditë” duke u larguar prej tyre.
Ndërkohë, mëngjesin e sotëm protestuesit e urës së Bahçallëkut u shtyn nga forcat policore me forcë për t’iu hapur rrugën eskortave të kryeministrit.
(B.L/FAXWEB.AL)
Discussion about this post