Vizita e të rinjve të LRI-së në shtëpinë e Robert Ndrenikës ditën e djeshme nuk është dukur për këdo një suprizë e bukur. Me rastin e 75-vjetorit të aktorit të madh të rinjtë e LRI-së kishin vendosur të suprizonin aktorin me një vizitë. Vizita nxorri në pah dhe mobiljet modeste me të cilat aktori i madh shqiptar kishte përshtatur dhomën. Një televizor i vjetër shumë larg teknologjive të fundit HD.
E nëse vizita e LRI ishte një suprizë e bukur, nuk mendon njësoj gazetari Edi Oga, i cili mendon se supriza e vërtetë do të ishte që aktorit t’i dhurohej më mirë një televizor sesa kjo vizitë.
‘’Një rrjet dyqanesh që tregton pajisje elektronike, i dhuron aktorit Ndrenika një televizor LED me rastin e ditëlindjes’…ky do të ishte lajm më i bukur sesa ai që lexuam: ‘Të rinjtë e LRI habiten nga mobiljet e vjetra të aktorit të famshëm!’’, shkruan gazetari.
Po i menjëhershëm ka qenë dhe reagimi i këshilltarit të Metës, Emiljano Aleksi, i cili ka thënë se vizita e të rinjve bëri që të dilte në pah edhe gjendja ku aktori jetonte.
Replikat:
Aleksi: Edi Oga të rinjtë e LRI ka suprizuar Gjigandin e skenës Ndrenika me vizitën suprizë, dhe fotot e publikuara bënë që mileti të shikonte mobiljet e tij. Ma lexo pak statusin që kam hedhur dje. Të përshëndes.
Oga: E besoj surprizën! Unë do t’ju kisha përzënë me shkelma. Edhe të rinjtë e LRI, edhe të rinjtë e FRESSH edhe ata të FRPD… shkoni diku tjetër për të mbledhur vota!
Nëse do më vije vetëm ti si Emiljano, bujrum..!
Aleksi: Edi Oga do e mbaj këtë ftesë kur të bëhesh 75 vjeç . Nuk shkoj njeri për vota i dashur. (E.K/SHUPLAKA)
Discussion about this post