3 persona kanë tentuar të vjedhin një bankomat mëngjesin e sotëm në rrugën “Hoxha Tahsim” në Tiranë.
Vjedhja në instituiconin financiar ka mbetur në tentativë, ndërsa policia pas njoftimit ka sekuestruar pamjet filmike me fotot e autorëve të dyshuar.
DVP Tiranë fton çdo qytetarët që ka informacion për autorët e kësaj ngjarje ta japi pranë strukturave të policisë në numrat e telefonit të poshtë shënuar si dhe jep shpërblimin prej 5000 eurosh.
Njoftimi i Policisë:
Tiranë
Ditën e sotme, më datë 06.01.2024, jemi njoftuar për një vjedhje, të mbetur në tentativë, gjatë orëve të para të mëngjesit, në zonën e shërbimit 24/7 të klientëve, në një institucion financiar në kryeqytet.
Nga veprimet e para hetimore të kryera në vendngjarje, janë sekuestruar pamjet filmike me fotot e autorëve të dyshuar.
DVP Tiranë fton qytetarët që të japin informacion për autorët e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorëve.
Drejtoria Vendore e Policisë Tiranë vendos në dispozicion të qytetarëve, numrat e telefonit +355 69 41 55 554, dhe +355 69 41 12 208 duke garantuar anonimatin e plotë të çdo telefonuesi.
