Në historinë e futbollit botëror, janë të paktë emrat e portierëve që kanë lënë gjurmë të tilla aq sa kujtohen nga të gjithë. Një prej tyre është edhe legjenda italiane Dino Zof, një nga më të mëdhenjtë në këtë rol që është shpallur kampion bote me “të kaltrit” në vitin 1982. Ndaj një lëvdatë e tij, për një portier të ri, është diçka që duhet vlerësuar jashtëzakonisht shumë.
Portieri i ri në fjalë është Thomas Strakosha, i cili pak ditë më parë bëri vitin që nga momenti i debutimit me Lacion në Serinë A. Zof, si njohës i mirë i këtij klubi, ku ka qenë për disa vite trajner, ka dhënë mendimin e tij rreth paraqitjeve të deritanishme të shqiptarit.
“Që ai duhet të përmirësohet më shumë, kjo nuk ka dyshim. Por po bën gjëra të rëndësishme, duke e parë edhe moshën e re që ka. Ai është një garanci dhe nëse do të vazhdojë kështu, do të bëjë gjëra të mëdha”, ishin fjalët e Zof për mediat italiane. A mund të ketë më mirë se kaq…”, ka thënë ai, shkruan Panorama Sport.
Në kombëtaren shqiptare Strakosha vazhdon tëjetë një zgjedhje e dytë, Berisha mbetet zgjedhja e parë, i cili në ndeshjen ndaj Maqedonisë bëri një paraqitje mjaft të mirë.
Mirëpo performanca e mirë e Strakoshës me Lazion duket se do ta vërë shpejt në dilemë Panuçin se cila nga këta të dy do ta nisë nga minutan e parë mbrojtjen e portës së kombëtares tonë.
(B.H/Shuplaka)
