Cristian Chivu është emëruar zyrtarisht trajneri i ri i Interit, duke marrë drejtimin e skuadrës një javë pas largimit të Simone Inzaghit, i cili mbylli një cikël katërvjeçar në krye të zikaltërve.
Chivu vjen në këtë detyrë pas një eksperience të shkurtër, por të suksesshme, në pankinën e Parmës, të cilën e udhëhoqi drejt mbijetesës në Serie A në javën e fundit të sezonit 2024-25. Parma ka konfirmuar zyrtarisht largimin e tij, ndërsa tekniku 44-vjeçar i ka dhënë lamtumirën klubit emilian.
Ky emërim shënon një hap të rëndësishëm për projektin e Interit, që beson te vazhdimësia dhe identiteti, duke i besuar një emri që njeh mirë klubin dhe filozofinë e tij.