Vladimir Putin një nga liderët më me pushtet në botë, kërkon sot mandatin e katërt si president i Rusisë.
Votimi ka nisur që në orët e para të mëngjesit, ndërsa rezultatet e para të këtyre zgjedhjeve pritet që të shpallen pasditen e sotme.
Vladimir Putin është udhëheqësi dominant i Rusisë që nga viti 1999, si President ose si Kryeministër. Ai po shpreson për një mandat 6-vjeçar dhe përballë ka 7 kandidatë të tjerë.
Por, opozitari kryesor i Putinit, Alexei Navalny, nuk është lejuar që të marrë pjesë në këto zgjedhje presidenciale për një dënim për mashtrim, për të cilin Navalny thotë se është i motivuar politikisht.
Megjithë faktin se fati i këtyre zgjedhjeve duket i përcaktuar, Kremlini zyrtar është i shqetësuar në lidhje me pjesëmarrjen e qytetarëve.
Mungesa e konkurrencës i kanë lënë disa rusë të pafrymëzuar. Navalny ka bërë thirrje për një bojkot të zgjedhjeve pasi që ai ishte nxjerrë jashtë garës.
Një valë protestash anti-qeveritare në vitin e kaluar gjithashtu tregojnë se qytetarët janë të lodhur gjithnjë e më shumë skandalet e korrupsionit që kalojnë përmes rrethit të brendshëm të oligarkëve të Kremlinit dhe Putinit.
(E.K/FAXWEB)
