Egjipti dhe Rusia nënshkruan sot në Kajro kontratën përfundimtare për ndërtimin e centralit të parë bërthamor egjiptian, në veri të vendit.
Kontrata, nënshkruar në praninë e presidentëve rus, Vladimir Putin dhe egjiptian, Abdel Fattah al-Sissi, miratojnë marrëveshjen që dy vendet kishin arritur në nëntor 2015 për ndërtimin në rajonin e Dabaas të katër reaktorëve me nga 1200 megavat secili (MW).
Kontrata përfundimtare u nënshkrua nga ministri egjiptian i Energjisë, Mohamed Chaker dhe kreu i gjigantit bërthamor rus, Rosatom Alexey Likhachev para kamerave të televizionit publik egjiptian, shkruan Kosova Press.
Projekti pritet të kushtojë 30 miliardë dollarë, sipas shtypit egjiptian.Moska do të marrë pjesë në financim nëpërmjet marrjes së një kredie akorduar për autoritetet egjiptiane.
Në fillim të viteve 1980, nën regjimin e presidentit, Hosni Moubarak, Egjipti kishte parashikuar ndërtimin e një centrali bërthamor në Dabaa, por projekti ishte ndërprerë pas katastrofës së Çernobilit në vitin 1986.
(B.H/Faxweb)
