Ditën e sotme plot kërshëri po pritet protesta e opozitës në 5 nga akset kryesore të vendit. Ndërkohë që kryeministri Rama, ministrja e Kulturës dhe ambasadorja e BE-së Vlahutin të gjithë së bashku kanë qenë në një takim në Apolloni të Fierit.
Nuk është hera e parë që Vlahutin shfqaet krah një projekti të qeverisë, më herët ajo ka vizituar projektin e Lungomares në qytetin e Vlorës.
Gjatë fjalës së tij kryeministri e ka falenderuar ambasadoren e BE-së për mbështetjen që ka bërë në ndaj trashëgimisë kulturore të vendit tonë.
‘’Në Parkun e rilindur të Apollonisë ku restaurimi tërësor 30 vjet pas ndërhyrjes së fundit ka nxjerrë në dritë thesaret mbresëlënëse të kësaj pasurie të çmuar në rrugën e re’’, shkruante kryeministri Rama pak para takimit.
Ashtu si e kemi lajmëruar edhe më parë kryeministri Rama pasdite do të ketë një tjetër takim në qytetin e Vlorës me të rinjtë që votojnë për herë të parë.
Ambasadorja në fjalën e saj e vendosi theksin te rëndësia që ka turizmi në rritjen ekonomike të vendit. Ajo tha se është e rëndësishme që të investohet në këto projekte në mënyrë që të shtohen edhe turistët e huaj. (E.K/SHUPLAKA)
Discussion about this post