Ambasadorja e BE-së, Romana Vlahutin është shprehur gjatë një takimi me gazetarët se i ka kërkuar PAMECA-s një raport të hollësishëm për 23 arrestimet e kryera në Kukës nga Policia e Shtetit pas protestave të dhunshme në Rrugën e Kombit.
Ligjshmëria e arrestimeve dhe mbajtja brenda afateve ligjore të 23 kuksianëve kanë qenë një nga temat e debatuara gjatë ditëve të fundit, pas vendosjes së tarifës 5 euro për kalimin në Rrugën e Kombit.
Kjo deklaratë e ambasadores së BE-së, Romana Vlahutin u bë gjatë një takimi me gazetarët, së bashku me Raportuesin për Shqipërinë në Parlamentit Evropian, Knut Fleckenstein.
