Ilir Meta ka deklaruar se njeriu më serioz me të cili ka bashkëpunuar është Sali Berisha. Këtë vlerësim për ish-kryeministrin ai e dha gjatë fjalës së tij që mbajti para pak çstesh në mitingun e LSI, në shëshin “Nënë Tereza.”
Meta ka deklaruar se kjo është një fatkeqësi sepse pas 27 vjetësh në vendin tonë duhet të kishte politikanë më të mirë se Sali BerishA, Edi Rama dhe Ilir Meta.
Ai, Ndërsa sulmonte PS-në për akuzat e hedhura ndaj tij dhe vlerësonte Berishën si serioz, pohoi se ka qenë fati i tij i keq që ka bashkëqeverisur me PS-në.
Meta tha se asnjë socialist nuk është përballur me Berishën më ashpër se ai dhe se i ka treguar vendin kur ka prekur institucionet, në një kohë që të tjerët ia fusnin vrapit.
“Asnjë udhëheqës i PS nuk është përplasur më fortë se unë me Berishën, kur të tjerët linin shtetin, dhe ia fusnin vrapit pyjeve të Maqedonisë, Ilir Meta i ka treguar vendin atij kur ka prekur institucionet. Për fat të keq të Ilir Metës, ia kam thënë dhe kryetarit të PS, ka qenë i pranishëm edhe Vasili, para se të miratohej reforma në drejtësi, për fatin tim të keq, unë kam qenë i detyruar që të bashkëpunoj me rilindasit, më seriozi ka qenë Sali Berisha. Kjo është fatkeqësi e madhe, pasi mbas 27 vitesh duhet të kishim shumë politikanë të tjerë se Ilir Meta dhe Berisha, e Edi Rama.”, tha Meta. (B.H/Shuplaka)
