Instituti i Çështjeve Kombëtare prej kohësh ka ndjekur situatën mbi zhvillimin dhe përhapjen e virusit vdekjeprurës coronavirus të njohur si COVID-19 nga Kina drejt një pandemie globale. Për rrjedhim drejtuesit e tij në mënyrë të përsëritur përmes thirrjeve dhe qëndrimeve të tyre kanë dhënë mesazhe të qarta për publikun dhe në dobi të interesit publik.
Instituti i Çështjeve Kombëtare që në fillim të kësaj gjendjeje ka mbështetur të gjitha masat e mara nga autoritetet publike dhe dëshiron të nënvizojmë me këtë rast qëndrimin e mbajtur nga kreu i institutit, zoti Kastriot Frashëri, se “Në kohën e COVID-19 dhe pas saj jo vetëm shoqëria shqiptare por mbarë bota do të perballet edhe me probleme te tjera. Ndaj tregoni Kujdes!
Vlerësoni rrezikun, kujdesuni për vete dhe mbroni të tjerët! Të gjithë duhet të kuptojmë se kjo luftë nuk është një shaka. Ndaj çdokush duhet të japë kontributin e tij për t’i shërbyer sigurisë publike dhe mbrojtjes së jetëve të njerëzve nga ky virus shkatërrues”.
Shqipëria është sot vetëm një hap larg Italisë, një prej vatrave më shkatërruese të jetës, ku prej disa ditësh në këtë vend po vdesin çdo ditë mbi 350 njerëz të pafajshëm. Kjo tendencë po shkon drejt Spanjës dhe është po aq e mundur të përhapet me po kaq agresivitet edhe në vende të tjera europiane, në UK dhe Amerikë, nëse nuk tregohet kujdes maksimal nga të gjithë aktorët e shoqërisë.
Ndaj në këto ditë të vështira që po kalon populli ynë, Instituti i Çështjeve Kombëtare, si shprehës i aspiratave dhe vlerave kombëtare të popullit të vet, duke përfituar nga rasti, ju bën thirrje të veçantë të gjithë anëtarëvë, simpatizantëve, dashamirësve të tij dhe gjithë popullit shqiptar të kujdesen për vete, të mbrojnë të tjerët dhe të respektojnë urdhërat, udhëzimet dhe masat e mara nga autoritetet publike! Të mbështetim mjekët!
Ne jemi këtu për t’ju mbështetur në këto ditë të vështira izolimi me ekspertizën tonë në mbështetje të institucioneve publike, interesit dhe jetës Suaj. Ndaj jemi të kënaqur që sot mbi 99.99% e banorëve të kryeqytetit iu përgjigjën në masë thirrjes së qeverisë për distancim social. Në këtë mënyrë, ju të dashur qytetarë po garantoni të nesërmen tonë më të sigurtë, si pjesë e sigurisë kolektive, duke bërë një hap më shumë në drejtim të sundimit të ligjit dhe shtetit ligjor. Instituti gjen rastin të shprehë me forcë devizën e tij se përpara ligjit të gjithë duhet të jenë të barabartë! Së bashku do të fitojmë çdo betejë!
Discussion about this post