Vllaznia ndal Partizanin, Voltana Ademi: Si arritëm nga fundi në vendin e katërt? Shumë e thjeshtë

Pas Skënderbeut dhe Kukësit, Vllaznia ndal edhe Partizanin.

Në “Loro Boriçi”, përballja që uli siparin e javës së 29-të të Kategorisë Superiore përfundoi barazim 1-1 në fund të një 90-minutëshi me plot emocione.

Me këtë barazim të kuqtë humbën mundësinë për të marrë përsëri kryesimin të vetëm, duke e ndarë atë me Kukësin në kuotën e 58 pikëve. Nga kjo ndalesë e Partizanit përfiton edhe Skënderbeu, që tashmë e sheh veten vetëm tri pikë pas dyshes së kreut. Nga ana tjetër, Vllaznia parakalon Luftëtarin në vendin e katërt.

Pas fotores së Vllaznisë ka reaguar kryebashkiakja e Shkodrës, Voltana Ademi. Ajo ka shkruar se falë menaxhimit të mirë të buxhetit vjen ky rezultat për shkodranët.

POSTIMI:

Bravo Bravo Vllaznia!
Pas pesë vitesh, arritëm të kapim vendin e katert! Akoma më shumë do të ecim në të ardhmen!
Si arritëm nga fundi në vendin e katert?! Shumë thjesht! Bëmë një buxhet per Vllazninë që nuk e kishte pasë asnjëherë, menaxhuam mirë paratë, zgjodhëm tranjerin, lojtarët dhe stafin e duhur! Tifozēt e mrekullueshem shkodranē na mbeshtetën!
Sot të gjithë po festojmë arritjet!

(M.D/ Shuplaka)