Klasikja mes Vllaznisë dhe Tiranës ka përfunduar në shifrat e bardha 0-0 në stadiumin “Loro Boriçi”. Një rezultat që ka revoltuar tifozët shkodranë dhe ato bardheblu.
Në përfundmin të ndeshjes, jashtë stadiumit ultrasit e Vllaznisë dhe ato “Fanatiks” kanë ofenduar në kor njëri – tjetrin, ndërsa është dashur ndërhyrja e unifromave blu për të qetësuar gjendjen dhe të largojë tifozët nga ambjentet e jashtme të impiantit sportiv.
Policia e Shkodrës ka shoqëruar në rajon 10 prej tifozëve të kryeqytetasve për shkak të hedhjes së materialeve piroteknike, si shashka, tymuese gjatë ndeshjes dhe në përfundim të saj. Ndërsa njoftohet se brenda “Loro Boriçit” ka ende ultras të bardhebluve.
