Vlonjati-Ramës: Na rropën policët, grave po u marrin këpucët! Rama: O sorrë!

Si çdo herë nuk mungojnë në replikat e kryeministrit Rama me komentuesit shqiptarë në postimet e tij në “Facebook”.

Në një postim të djeshëm të Edi Ramës, ku flitej për modernizimin e shërbimeve për të luftuar korrupsionin, një komentues është ankuar për efektivët e Rrugores, të cilët marrin rryshfet nga emigrantët që vijnë në Shqipëri për të kaluar pushimet.

Ai sjell konkretisht rastin e një emigranteje të moshuar, për të cilën tregon se efektivja e Policisë Rrugore i mori edhe këpucët ngaqë i pëlqyen.

Nuk ka munguar përgjigja ironike e kryeministrit Edi Rama, i cili e pyet emigrantin se përse nuk ka reaguar kur pa që një zonje, policja i mori edhe këpucët.

Qytetari: Po atyre policave të Vlorës që të marrin lekë për kafe (20 deri në 200 euro) sa herë dalin shqiptarët nga porti me traget në
drejtim të Italisë edhe jo vetëm lekët një zonje që ishte pas meje policia i mori këpucët se i pëlqyen!
Edi Rama: Vërtet, po ti o Shqiponjë e Zezë çfarë bëre kur pe që zonjës i morën këpucët(?) apo vazhdove të fluturosh mbi ngjarjet? Edhe kur merresh me thashetheme do një karar se pastaj edhe shqiponjë të jesh ngjan si sorrë
Qytetari: Sikur të kishe dhënë zgjidhje edhe mos të vidhte vetë shteti, nuk do zgjidhja të jetoja jashtë Shqipërisë si shumë si puna ime që studiuan edhe e braktisën vendin për një jetë më të mirë!
Edi Rama: Aha, domethënë i pe këpucët që i’a morën asaj gruas dhe nuk
bërë asgjë po vazhdove rrugën për një jetë më të mirë
Qytetari: Po ç’ti bëja me shtetin nuk merresh dot! Për fat të keq haraçin ta kërkojnë akoma! Unë them ujku ju kërkoni gjurmët!
Edi Rama: Jo ti nuk po thua ujku, po flet në hava

(XH.A/SHUPLAKA)