Video/ Kërcet arma në mes të Vlorës, autori largohet me shpejtësi, dyshimet e para

Të shtëna me armë zjarri janë regjistruar pak minuta më parë në lagjjen numër 10 Korriku të qytetit të Vlorës.

Burime bëjnë me dije se të shtënat janë regjistruar në një pallat në Lungomare pranë ish-zyrave të ish-SHIK-ut, por deri tani nuk raportohet për persona të lënduar.

Mësohet se një person pasi ka qëlluar me armë në rrethana ende të paqarta është larguar me shpejtësi nga vendngjarja.

Policia ka rrethuar zonën dhe po heton lidhur me ngjarjen, që ka shkaktuar panik te banorët e zonës përrreth.

Njoftimi i policisë së Vlorës:

Rreth orës 11:40, ka ardhur një telefonatë se një person dyshohet të ketë qëlluar me armë zjarri në ajër, në lagjen “10 Korriku” Vlorë.

Janë ngritur grupe të posaçme për kontrollin e territorit dhe po punohet për kapjen e autorit.

Bëjmë me dije se nuk ka asnjë person të dëmtuar.

Grupi hetimor po punon për sqarimin dhe zbardhjen e rrethanave të ngjarjes.

(E.K/Faxweb.al)