Vlorë/Dhunuan 29 vjeçaren, arrestohet babai, vëllai dhe i fejuari i saj

Tre persona janë vënë në pranga nga policia e Vlorës pasi dyshohet se për motive të dobëta kanë dhunuar një 29-vjeçare.

Sipas policisë, të arrestuarit janë babai, vëllai dhe i fejuari i vajzës.

Gjatë kontrollit në banesë janë sekuestruar 1 armë gjahu dhe një sasi municioni luftarak, që i posedonte babai i 29-vjeçares.

Sipas policisë vajza ndodhet nën kujdesin e mjekëve, jashtë rrezikut për jetën

Njoftimi i policisë:

Ushtruan dhunë fizike ndaj 29-vjeçares, për motive të dobëta, vihen në pranga babai, vëllai dhe i fejuari i saj.   

Sekuestrohen 1 armë gjahu dhe një sasi municioni luftarak, që i posedonte babai, në banesë.

Shërbimet e Komisariatit të Policisë Vlorë, pas marrjes së njoftimit se një 29-vjeçare ishte dhunuar nga familjarët e saj, për motive të dobëta, në banesë, kanë ndërhyrë menjëherë për parandalimin e përshkallëzimit të dhunës. 

Si rezultat, shërbimet e Policisë kanë kapur dhe arrestuar shtetasit: A. B., 60 vjeç (babai), E. B., 26 vjeç (vëllai) dhe A. J., 34 vjeç (i fejuari). Nga veprimet hetimore dyshohet se për motive të dobëta, këta shtetas kanë ushtruar dhunë fizike ndaj 29-vjeçares, e cila është në kujdesin e mjekëve, jashtë rrezikut për jetën.  

Gjatë kontrollit në banesën e shtetasit A. B., Policia gjeti dhe sekuestroi 1 armë gjahu dhe municion luftarak. 

 Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.