Një 42-vjeçar është vënë në prangat e policisë në Vlorë. Adion Xhuveli ishte shpallur në kërkim në kuadër të megaoperacionit mbarëkombëtar “Sundimi i ligjit”.
Gjykata e Shkallës së Parë në Vlorë e kishte dënuar 42-vjeçarin me 1 vit e 3 muaj burgim, pasi në vitin 2021 kanosi një shtetase 45 vjeçe se do t’i publikonte foto personale të saj, nëse ajo nuk i jepte një shumë parash.
Njoftimi i Policisë:
Vlorë/Vijojnë kontrollet në kuadër të operacionit policor të koduar “Sundimi i ligjit”, për kapjen e shtetasve të shpallur në kërkim.
Kapet dhe vihet në pranga një 42-vjeçar në kërkim, i dënuar me 1 vit e 3 muaj burgim, për veprën penale “Shtrëngimi me anë të kanosjes ose dhunës për dhënie pasurie”.
Në zbatim të planit të masave të hartuar në kuadër të megaoperacionit mbarëkombëtar “Sundimi i ligjit”, për kapjen e shtetasve të shpallur në kërkim, bazuar në informacionet e siguruara nga inteligjenca policore, për vendndodhjen e një shtetasi në kërkim, shërbimet e Stacionit të Policisë Orikum kapën dhe vunë në pranga shtetasin:
Adion Xhuveli, 42 vjeç, banues në Orikum.
Gjykata e Shkallës së Parë e Juridiksionit të Përgjithshëm Vlorë e ka dënuar këtë shtetas, me 1 vit e 3 muaj burgim, për veprën penale “Shtrëngimi me anë të kanosjes ose dhunës për dhënie pasurie”, pasi në vitin 2021, ka kanosur një shtetase 45 vjeçe, se do t’i publikonte foto personale të saj, nëse ajo nuk i jepte një shumë parash.
Materialet procedurale i kaluan Prokurorisë, për veprime të mëtejshme.
#angazhimpërkushtimsakrificë👮️🚔
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮️🤝🙍️
#denonconë112📞 ✅
Discussion about this post