Policia e Vlorës ka vënë në pranga 28-vjeçarin me iniciale E. A., pasi qarkullonte me armë pa leje si dhe shiste kanabis. Arrestimi i tij erdhi pas raportimit të qytetarëve në polici, 28 vjeçarit iu gjet në cilësinë e provës materiale një pistoletë dhe një sasi kanabis sattiva, ku sipas policisë lënda narkotike do të shpërndahej në doza të vogla.
Njoftimi i policisë
Goditet një tjetër rast për armëmbajtje pa leje dhe lëndëve narkotike, falë bashkëpunimit me qytetarët. Finalizohet operacioni i koduar “Bashkëpunimi”
Sekuestrohet një pistoletë dhe një sasi lënde narkotike cannabis sattiva që do shpërndahej në doza të vogla.
Arrestohet në flagrancë autori.
Në kuadër të bashkëpunimit me qytetarët për të parandaluar dhe goditur paligjshmërinë, si dhe në vijim të goditjeve të njëpasnjëshme të realizuar nga strukturat policore të Drejtorisë Vendore të Policisë Vlorë, falë dhe bashkëpunimit me qytetarët, të cilët përditë e më shumë po besojnë dhe denoncojnë në polici paligjshmërinë në çdo fushë që ajo shfaqet, është finalizuar me sukses një tjetër operacion i koduar “Bashkëpunimi”, për goditjen e paligjshmërisë në fushën e armëmbajtjes pa leje dhe të shpërndarjes së lëndëve narkotike.
Në kuadër të këtij operacioni, Specialistët e Seksionit për Hetimin e Trafiqeve të paligjshme dhe narkotikëve në DVP Vlorë në bashkëpunim me Patrullën e Përgjithshme, arrestuan në flagrancë shtetasin E.A., 28 vjeç, banues në Vlorë.
28 vjeçari është denoncuar nga qytetarët se dyshohej që shpërndante lëndë narkotike në doza të vogla si dhe dispononte armë zjarri pa leje.
(B.K/ FAXWEB.AL)
