Vlorë, shkarje dheu dhe masivë gurësh, disa fshatra akoma të bllokuar

Shkarje dherash dhe masivë gurësh. Kjo është pamja që të ofron aksi rrugor që të çon në parkun Arkeologjik të Amantias.

Një aks  me fluks në lëvizje pasi të lidh edhe me një pikë tjetër turistike,  Kurorën e Malit, pa lënë pas banorët e të gjithë zonës. Shkak për këtë gjendje duket se janë bërë reshjet intensive të shiut të disa ditëve më parë, raporton Fax News.

Masa dherash konstatohen përgjatë gjithë rrugës nga fshati Vajzë e deri në Shkozë të Sevasterit.

Për të shmangur rënien e dherave si dhe gureve aksi duhet të kishte kufizues apo mbrojtëse në pjesët problematike.

Vlen për t’u përmendur se aksi që të çon në parkun Arkeologjik të Amantias është tepër i ngushtë, vetëm me një kalim, çka e vështirëson edhe më shumë lëvizjen në kushte të tilla.

(F.G/Faxweb)