“U binda se Vodafone është një kompani hajdute”, denoncon qytetari: Paguaj 30 mijë lekë në muaj kontratën, nuk funksionon interneti!

Nuk kanë të sosur denoncimet e qytetarëve në drejtim të kompanisë Vodafone Albania, e cila akuzohet vazhdimisht se abuzon me ofertat dhe paketat që ofron ndaj klientëve të saj.

Së fundmi një qytetar ka denoncuar në ‘JOQ Albania’ për shërbimin e internetit kur ndodhesh në ‘Roaming’, ku ka publikuar edhe bisedën me shërbimin e operatorit telefonik.

Në denoncimin e tij qytetari shkruan se është i bindur se Vodafone është një kompani hajdute. Ai zbulon se 30 mijë lekë kontratën në muaj dhe në roaming sipas ofertës ai duhet ti këtë minutat dhe interneti njësoj si në Shqipëri.

Qytetari denoncon se interneti i është shkëputur në mënyrë që mos ta përdorë, për faktin se ato paguajnë kompaninë që të ofron internetin në Itali dhe nuk u leverdis që ti të konsumosh 20 GB që ke ne dispozicion.

“Përshëndetje. Tani u binda që Vodafone është kompani hajdute. Paguaj 30 mij lekë kontratën në muaj dhe në roaming gjoja duhet ti kesh minutat dhe internetin njësoj si në Shqipëri. Mirëpo këto internetin ta shkëpusin që mos e përdorësh sepse këta paguajnë kompaninë që të ofron internetin në Itali dhe nuk u leverdis që ti të konsumosh 20 GB që ke ne dispozicion.”– shkruan qytetari.