Nga policia e Sarandës është arrestuar një 35-vjeçar pasi ë afërsi të fshatit Çukë, pranë një pike karburnati, në bar kafe, ka vjedhur një çantë personal ku brenda kishte 4500 Euro, të cilat i përkisinin shtetasit K.I.
DETAJE:
Specialistët e Seksionit për Krimet në Komisariatin e Policisë Sarandë, në vijim të punës për zbardhjen e vjedhjeve të ndryshme të ndodhura në qytetin e Sarandës si edhe për kapjen e ndalimin e shtetasve kryerës të këtyre veprave penale, ditën e djeshme kanë kapur shtetasin : Jani Kongjini, 35 vjeç, banues në Himarë.
Shtetasi i mësipërm, më datë 24.11.2017, në afërsi të fshatit Çukë, pranë një pike karburnati, në bar kafe, ka vjedhur një çantë personale, në brëndësi të saj me sendet identifikuese personale si edhe me një sasi shume vlerash monetare prej 4500 Euro, të cilat i përkisinin shtetasit K.I., i cili kishte bërë edhe kallëzim për këtë fakt.
Policia i ka sekuestruar në cilësinë e provës materiale, shtetasit J.Kongjini, shumën e vlerave monetare, prej 3900 Euro, 3 dollarë dhe 1500 lekë. Materialet hetimore iu referuan Prokurorisë së Rrethit Gjyqësor Sarandë ndaj shtetasit të mësipërm për veprën penale ”Vjedhja”, parashikuar nga neni 134 të Kodit Penal.
(J.V/Faxweb)
https://www.youtube.com/watch?v=8J9bx0ba6es&feature=youtu.be
