Vodhi databazën e mashtronte me vulën elektronike të sistemit/ Dalin të dhënat nga dosja hetimore e ish-kreut të Kadastrës së Gjirokastrës

Janë zbardhur të dhënat nga dosja hetimore e Florian Taçit, ish-kreut të Kadastrës së Gjirokastër, i arrestuar disa ditë më parë.

Në kompjuterin që përdorte Taçi në zyrën e tij ilegale është zbuluar se ka patur akses në sistemimin unikal digjital të përgjithshëm të Kadastrës së Shqipërisë.

Sipas dosjes hetimore, ai jepte dokumente me vulë elektronike, ndërkohë që sistemi përgjigjej njëlloj si të ishte institucion shtetëror me aplikimet ‘online’.

Mësohet se ish-kreu i Kadastrës ndërmerrte çdo ndryshim tek të dhënat në sistem, duke bërë dokumente fallco si të vërteta me vulën elektronike të vetë sistemit; sikurse  kishte vjedhur databazën e të dhënave elektronike.

Ndërkohë, nesër parashikohet dhënia e masës së arrestit për Florian Taçin dhe bashkëpunëtorin e tij në të Alban Memishaj, ish-hartograf në Kadastrën e Gjirokastrës.