Është vënë në prangat e policisë një prej autorëve të grabitjes së kasafortës të një biznesi në Bulgarec të Korçës. Policia e Tiranës ka arestuar Ilir Hamzallari 34 vjeç, i dënuar më parë, i cili ishte shpallur në kërkim.
34-vjeçari në bashkëpunim ne një tjetër shtetas me iniciale K. L. vodhën më 19 dhjetor 2016 biznesin e Luan Lartit, një prej biznesmenëve më me pozitë në qytetin e Korçës. Ngjarja ndodhi disa orë pas një ngjarje të rëndë në familjen e biznesmenit. Babai i Luan Lartit ndërroi jetë një ditë përpara grabitjes.
Detaje të policisë:
Në datë 15.01.2017, ora 22.00, nga Shërbimet e Komisariatit te Policisë nr 5, bënë të mundur kapjen e personit ne kerkim: Ilir Hamzallari, 34 vjeç, (i dënuar më parë). Ky shtetas ishte i shpallur në kërkim policor, pasi ne datë 19.12.2016, dyshohet se në bashkëpunim me shtetasin K. L., kanë vjedhur me dhunë në zyrat e një subjekti privat në Bulgarec Korçë, një sasi lekësh. Ky shtetas u transferua në Drejtorinë Vendore të Policisë Korçë për veprime të mëtejshme.
(XH.A/SHUPLAKA)
Discussion about this post