Vodhi pensionet, në pranga ish-përgjegjësi i postës Manqellarë

Policia e Dibrës ka arrestuar shtetasin Arben Tafçiu, 51 vjeç pasi ka vjedhur lekët e pensioneve.

Tafçiu është ish-përgjegjësi i postës Manqellarë dhe  akuzohet për ‘vjedhje’ duke shpërdoruar detyrën.

Ai ishte dënuar me 6 muaj burg pasi në kohën kur ka qenë në detyrën e përgjegjësit të Postës ka vjedhur lekët e pensioneve.

Njoftimi policisë: 

Më datë 20.12.2016, nga Specilaistët për Hetimin e Krimit Ekonomik e Financiar në Drejtorinë Vendore të Policisë Dibër, në bashkëpunim me patrullat e përgjithshme të Komisariatit të Policisë Dibër  u kap dhe u ndalua shtetasi në kërkim Arben Tafçiu, 51 vjeç, banues në Maqellarë Dibër. Kapja dhe ndalimi i tij u bë pasi Gjykata e Apelit Tiranë me vendim nr 1166, datë 28.09.2016 e ka dënuar shtetasin e sipërpërmendur me 6 muaj burg për veprën penale “Vjedhje duke shpërdoruar detyrën”. (ky shtetas ishte shpallur në kërkim nga D.V.P.Dibër pasi duke qenë me detyre ish përgjegjës  i Postës dega Maqellarë dyshohet që në vitin 2014 të ketë vjedhur lekët e pensioneve).  (MD/SHUPLAKA)