Deputetja e Partisë Demokratike Albana Vokshi në fjalën e saj sot në Parlament është ndalur te situata në Shëndetësi. Sipas saj gjithë vëmendja e qeverisë është përqëndruar sesi të mbulojë dështimin e saj në shëndetësi.
”Shëndetësia është në ditën e saj më të zezë, koncesionet e kanë ngrënë deri në thërrime jetën e shqiptarëve. Nuk ka ilaçe, shiringa, nuk ka mjekim për fëmijët që vuajnë nga leuçemia.
Të nderuar kolegë jo më kot takimet e fundit të kryeministrit janë të përqëndruar te shëndetësia, pasi e di që ai është një nga premtimet e dështuara të tij.
Në Durrës kryeministri foli gjatë për recetën elektronike po ama nuk e pranon votimin elektronik. Ai e di që projekti pilot ishte një dështim, po ama dha 7 milionë dollar për Ministrin e tij shpejt e shpejt. Pse duhet që shqiptarët të sigurohen kur Rama do ja sigurojë shëndetësinë falas? Kush është aq budalla sa të harxhojë para në një kohë që mund ta bëjë këtë falas. E pra miq këto janë premtime boshe. Asgjë nuk do t’i trembë shqiptarët për ta larguar me votë këtë qeveri”, ka deklaruar Vokshi.
Discussion about this post