Gjykata e Lartë ka kthyer në Gjykatën e Apelit çështjen e pronësisë të ish-hotel Vollgës, duke lënë në fuqi masën e sigurimit të padisë. Mësohet se kjo masë është marrë me qëllim moslejimin e tjetërsimit ose shitjes të ish-hotel Vollgës.
Teksa pritet që Apeli të rigjykojë çështjen e pronësisë, ish-hotel Vollga vijon të jetë e sekuestruar për hetimin ndaj Emiljano Shullazit, i cili është bashkëpronar i “Vollgës” me kontratë dhurimi.
Kujtojmë se ankimimi në gjykatë është bërë nga kompania “Saudi Brothers”, e cila ka paditur Hipotekën e Durrësit që e kishte regjistruar pronën në emër të Zanmir Hasës.
