Voltana Ademi ende në krye të bashkisë, vjen reagimi i parë nga socialistët

Ditën e sotme është konstituar këshilli i ri bashkiak në Shkodër, ku kryetare këshilli u zgjodh Brisela Kadia, ndërkohë që Valdrin Pjetri nuk ka marrë mandatin e kryetarit.(Lexo këtu)

Por teksa zhvillohej mbledhja, përfqësues të Partisë Demokratike kanë protestuar duke e quajtur të pavlefshme këtë mbledhje dhe ilegjitime.

Madje kryebashkiakia në largim Voltana Ademi ende nuk e ka liruar zyrën e saj, ndërkohë që ka paralajmëruar se do të zhvillohen zgjedhje të reja.

Mënjëherë pas përfundimit të mbledhjes ka ardhur edhe reagimi i parë nga socialsitët. Deputetit Taulant Balla në një postim në rrjetet sociale, përgëzon zgjedhjen e këshilltarëve të rinj dhe shkruan se për zgjedhjen e kryebashkiakut të ri “institucionet e ngarkuara nga Kushtetuta dhe ligji duhet të marrin përgjegjësitë që ju takojnë në situatën e krijuar.”

Postimi i plotë

Sot shkodranët kanë “kuvendin” e tyre të ri lokal, të përbërë nga 51 këshilltarë bashkiakë të zgjedhur në Zgjedhjet Vendore të 30 Qershorit. Duke i uruar Këshillit të ri bashkiak urime në punën e tij shumë të rëndësishme, Partia Socialiste i shpreh ndjesë komunitetit te nderuar të Bashkisë së Shkodrës per situaten e krijuar pas doreheqjes se detyrueshme te Kryetarit te zgjedhur te Bashkise, por si ne cdo rast ne qendruam përtej çdo interesi partiak, politik apo individual, vetëm në anën e ligjit dhe të interesit publik.

Si në çdo rast, kur mes palëve politike përfshihen institucionet ligjzbatuese dhe kur bëhet fjalë për raportin e individit me ligjin, Partia Socaliste nuk investohet në asnjë debat. Ligji eshte i barabarte per te gjithe dhe ai vetëm duhet zbatuar nga kushdo.

Në lidhje me kompetencën e Këshillit Bashkiak në raport me Kryetarin e Bashkiksë, në mbledhjen e parë të Këshillit Bashkiak u konstatua fakti i mosparaqitjes se fituesit si Kryetar Bashkie Shkodër në zgjedhjet e datës 30 qershor 2019, Z. Valdrin Pjetri për të bërë betimin në përputhje me ligjin.

Sa më sipër, institucionet e ngarkuara nga Kushtetuta dhe ligji duhet të marrin përgjegjësitë që ju takojnë në situatën e krijuar.

Asnjë nuk ka dalë jashtë sepse do të shmangë përplasjen. Proceduart do të vijojnë sipas Kodit tëri zgjedhor.

(M.Q/Faxweb.al)