Ka agravuar situata në protestën e sotme të qytetarëve të Kavajës të cilët kanë dalë në rrugë kundër planit të rindërtimit nga ana e qeverisë me pretendimin se nuk ka asnjë të dhënë të shkruar se si do të procedohet për ndërtimet e objekteve të reja, dhe se ku do të vendosën banoprët shtëpitë e të cilëve janë shembur apo dëmtuar nga tërmeti i nëntorit të kaluar.
Banorët kanë tentuar të futen në zyrat e bashkisë së Kavajës por janë ndaluar nga efektivët e Policisë Bashkiake dhe asaj të Rendit, ndërsa kanë kërkuar takim me kryebashkiakun që të japë zotimet e tij në lidhje me procesin.
Siç raportuam edhe më herë është prezantuar projekti për shembjen e disa banesave në Vorë për nisjen e procesit të rindërtimit, ndërkohë që banorët shprehen se disa banesa nuk është e nevojshme të shemben, ndërkohë ndajnë shqetësimin për mungesën e një kontrate të shkruar si dhe vetë projektin.
Ata thonë se po tentohet të ndërtohet një markatë në mes të lagjes së banuar, si dhe u është kërkuar të firmosin në një fletë të bardhë për shembjen e banesave të tyre, por që nuk ka një kontratë të shkuar se kur, si dhe ku do të rindërtohen banesat e tyre pasi kanë frikë se mund ti largojnë nga zona ku banojnë aktualisht.
(F.GJ/FAXWEB.AL)
Discussion about this post