Vota e Shqipërisë në OKB, Klevis Balliu: Votimi kundër interesave të SHBA-së është votim kundër interesave kombëtare

Deputeti i Partisë Demokratike, Klevis Balliu ka reaguar në lidhje me votimin e qeverisë Shqiptare në OKB, kundër  vendimit të SHBA-së për njohjen e Jeruzalemit si kryeqytet të Izraelit.

Balliu është shprehur me anë të një statusi në Facebook se ndihet i turpëruar për këtë qëndrim arrogant të qeverisë Shqiptare në OKB dhe se votimi i qeverisë Shqiptare kundër interesave kombëtare të SHBA është gjithashtu një votim kundër interesave kombëtare të Shqipërisë.

Postimi i plotë

 I nderua zoti Ambasador Lu.
Ju kërkoj ndjes dhe ndjehem i turpëruar për këtë qëndrim arrogant të qeverisë Shqiptare në OKB.
Votimi i qeverisë Shqiptare kundër interesave kombëtare të SHBA është gjithashtu një votim kundër interesave kombëtare të Shqipërisë.
Interesat kombëtare të vendeve tona janë, kanë qenë dhe do të mbeten të përbashkëta për misionin tonë të përbashkët për të mbrojtur paqen dhe demokracinë.
Shqiptarët u janë mirënjohës SHBA-ve për kontributin që ka dhënë dhe vazhdon të japë për demokratizimin e dhe integrimin e Shqipërisë.(M.Q/Faxweb)