Kuvendi ka votuar sot projekt rezoluta e cila është depozituar nga Partia Demokratike, për ndryshimin e votës së qeverisë shqiptare në OKB për statusin e Jeruzalemit.
Ne votimin që është bërë në Kuvend, kjo projekt rezolutë është rrëzuar, pasi kanë votuar 73 deputet kundër saj.
Maxhoranca dhe ne debatin që është zhvilluar gjatë ditë ka deklaruar se nuk do të votonte pro dhe ka dorëzuar një projekt rezolutë paralele.
Më herët gjatë ditës së sotme partia Demokratike ka dorëzuar një projektrezolutë për çështjen e Jeruzalemit dhe votës së Shqipërisë në Asamblenë e Kombeve të Bashkuara në dhjetor.
“Në këtë frymë mungese bashkëpunimi dhe konsultimi ishte edhe qëndrimi i mbajtur nga Shqipëria në Stamboll më 13 dhjetor në samitin e Organizatës së Bashkëpunimit Islamik lidhur me statusin e Jeruzalemit”,-thuhet në projektrezolutën e demokratëve.
Opozita deklaron se kjo ka shkaktuar “sulme të padrejta e të padobishme ndaj Shteteve të Bashkuara” e për këtë propozon që të anulohet vota në OKB nga ana e Parlamentit pasi qëndrime të tilla ndaj aleatëve si Amerika bien ndesh me interesin kombëtar dhe të qytetarëve shqiptarë.
(M.Q/Faxweb)
Discussion about this post