Partia Demokratike ka dërguar në Kolegjin Zgjedhor çështjen e zarfeve nga Greqia. Në një kërkesë, selia blu kërkon shfuqizimin dhe pezullimin e vendimit të KAS-it.
Kujtojmë se KAS pranoi kërkesën e Partisë Socialiste për të mos veçuar votat e diasporës nga Greqia.
“KAS vendosi pranimin e kërkesës ankimore të subjektit zgjedhor Partia Socialiste të Shqipërisë dhe konstatimin e pavlefshmërisë absolute të vendimit të Komisionerit Shtetëror të Zgjedhjeve për administrimin e zarfit B”, njoftoi KAS.
Më herët, komisioneri kishte marrë një vendim për të bërë një ndarje ashtu siç Partia Demokratike ka kërkuar, në mënyrë që të bëhet më pas një verifikim i zarfeve nëse kanë apo jo parregullsi.
Ky vendim parashikonte që votat që kontestoheshin të liheshin me një kuti të posaçme. Ndërkohë opozita pretendon se votat e Greqisë janë të manipuluara.
