Pak ditë përpara se të mbahen zgjedhjet për deputetët e Parlamentit Europian, Kryeministri i Kosovës, Ramush Haradinaj iu ka bërë thirrje qytetarëve kosovarë që jetojnë në vendet e Bashkimit Europian, që të votojnë për ata që sipas tij, promovuan interesat e vendit të tyre.
Haradinaj fton qytetarët që të votojnë veçanërisht për PPE Group duke shtuar se përbërja e re e Parlamentit do të jetë një partner i rëndësishëm për Kosovën në 5 vitet e ardhshme.
“Ju bëj thirrje qytetarëve të mi, qytetarëve të Kosovës që të përdorin të drejtat e tyre të votimit në Shtetet Anëtare të Bashkimit Europian dhe të votojnë kandidatët që ndihmuan dhe promovuan interesat tona të përbashkëta, veçanërisht @EPPGroup. Përbërja e re e @Eparlamentit do të jetë një partner i rëndësishëm për ne në 5 vitet e ardhshme”, shkruan Haradinaj.
(F.GJ/FAXWEB.AL)
Discussion about this post