Votimi elektronik, Balla pas bojkotit të opozitës: PD kërkon të shmangë opinionin e OSBE/ODIHR-it

Pas deklaratës për mediat të bashkëkryetarit të Komisionit për Reformën Zgjedhore nga PD, Oerd Bylykbashi, ka dalë në një prononcim për mediat edhe bashkëkryetari i Komisionit për Reformën Zgjedhore nga PS, Taulant Balla.

Ai cilësoi si të papranueshme përpjekjen e opozitës për të shmangur OSBE/ODIHR-in, që nevojitet të japë opinionin lidhur me propozimin e PD-së për votimin elektronik.

Sipas Ballës, votimi elektronik nuk të jep plotësisht siguri nëse merren në konsideratë ndërhyrjet që kanë ndodhur në sistemet elektronike në vende të tjera të botës, megjithatë përpara diskutimit me ekspertët, nevojitet opinioni i përfaqësuesve ndërkombëtarë.

Deklarata e Taulant Ballës:

Pavarësisht se unë i kërkova që të zbardhnim një vendim që përfshinte të gjitha kërkesat, edhe të deputetëve të djathtë edhe të kolegëve të mi. Jemi në një fazë që kemi dakordësi, që Shqipëria të mund të shqyrtojë edhe mundësinë e aplikimit të teknologjisë pavarësisht se kuadri jonë ligjor e ka parashikuar. Pa kaluar në një proces pilot nuk mund të kemi një proces kombëtar.

2 projekte dështuan në 2013-ën. Unë i them sot se hajde të thërrasim KQZ-në përse dështuan këto dy projekte. Si mund të kalojmë në një proces kombëtar pa bërë këtë testim. Ne kemi për detyrë të implementojmë rekomandimet e OSBE-së. Për çudi, Partia Demokratike u largua nga mbledhja, ne e prisnim në fakt të ndodhte më shpejt.

Biem dakord të gjithë se nëse ka një çështje shumë të rëndësishme është financimi i partive politike, financimi i fushatës zgjedhore. Është treguar në vende të caktuar se teknologjia nuk është çelsi i suksesit, për shkak të ndërhyrjeve. PD donte të zgjidhte teknoligjinë më të mirë, por teknologjia është shpikur. Nëse OSBE na sugjeron hapat e teknologjisë atëherë dakord.

Nëse PD nuk vjen, ekspertët e PS-të bëjnë një prezantim përpara përfaqësuesve. Unë kam kërkuar që OSBE/ODIHR të sjellë një ekspert. Unë nuk e di se çfarë i ka ndodhur Bylykbashit që më parë e dëgjonte ekspertin ndërsa sot jo.

Raportin e OSBE-së e lexon njëlloj edhe Komisioni Europian, edhe BE, të gjithë u referohen një raporti. Si ka mundësi që Partia Demokratike nuk e do opinionin e OSBE/ODIHR-it? Të gjitha këto duhen parë me seriozotet.

(XH.A/SHUPLAKA)