Zëdhënësi i presidentit Meta, Tedi Blushi ka reaguar lidhur me votimin e dy anëtarëve të reja të Gjykatës Kushtetuese. Sipas Blushit sot nuk pati asgjë të re nga fronti i Ramaformës, dhe vetë Meta do ta komentojë votimin e sotëm pasi të kthehet nga vizita e tij zyrtare në Paris.
“Asgjë e re nga fronti i Ramaformës!
Presidenti Meta vazhdon vizitën në Paris dhe kur të kthehet në Shqipëri do të ndajë vlerësimet e Tij me qytetarët shqiptarë!”, shkruan Meta.
Me 105 vota pro Kuvendi ka emëruar dy anëtaret e reja të Gjykatës së Lartë, të cilat do të jenë Elsa Toska dhe Fjona Papajorgji.
Për Elsa Toskën 105 deputetë votuan pro, 2 deputetë votuan kundër, 9 abestenim, 2 deputetë nuk votuan.
Për Fiona Papajorgjin me 105 vota pro, 3 deputetë votuan kundër, 8 abstenim dhe 2 deputetë nuk votuan.
Nga ana tjetër Arta Vorpsi është ligjërisht anëtarja më e re e Gjykatës Kushtetuese e emëruar nga KED, por nuk mund të nisë detyrën pa u betuar para Presidentit Ilir Meta, i cili ka pasur përplasje të forta pikërisht për procesin e përzgjedhjes së anëtareve të GJ,Kushtetuese.
Votimi në Kuvend tregoi dhe njëherë tjetër se opozita e re është pothuajse fasadë, pasi pavarësisht debateve të fillimit, votat tregojnë se pjesa më e madhe e saj ka votuar pro anëtarëve të reja të Gjykatës Kushtetuese.
Më herët ka qenë presidenti Meta ai që ka zgjedhur anëtarin e parë të Vetingut, Besnik Muçin, i cili është ende në proces Vetingu, pasi komisioneti Publik e ka apeluar vendimin e KPK në KPA.
Presidenti Meta paralajmëroi deputetët mëngjesin e sotëm, që të mos votonin për anëtaret e reja të Kushtetueses, pasi nuk ishte respektuar praktika ligjore në përzgjedhjen e tyre, por mesa duket vërejtjet e tij nuk janë marrë parasysh nga ana e parlamentarëve.
